“Azercell Telekom” MMC

TELEKOM

Sifarişçi haqqında

1996-cı ildə əsası qoyulmuş Azercell Telekom bu gün Azərbaycanın ən böyük mobil rabitə operatorlarından biridir.
Şirkət müştərilərinə yüksək keyfiyyətli mobil xidmətlər, internet paketləri, rəqəmsal həllər və innovativ məhsullar təqdim edir.
Azercell Telekom müştəri məmnuniyyəti və xidmət keyfiyyətinə önəm verərək ölkənin mobil rabitə bazarında lider mövqeyini qoruyur.

Tapşırıq

Rəqəmsal transformasiya üzrə daxili layihə çərçivəsində şirkət rəhbərliyi vahid elektron sənəd dövriyyəsi və elektron arxiv sisteminin tətbiqi barədə qərar qəbul etmişdir. Şirkətin fəaliyyət miqyasını nəzərə alaraq, sənəd dövriyyəsinin idarə olunması proseslərində bir şəkildə iştirak edən biznes-proseslərin, prosedurların və informasiya sistemlərinin ətraflı təhlilini peşəkar şəkildə həyata keçirə biləcək və gələcək kağızsız sənəd dövriyyəsi modelini, həmçinin müasir informasiya platformasına olan tələbləri hazırlaya biləcək məsləhətçi şirkətin seçilməsi üçün tender keçirilmişdir.

Həll

Yerli və xarici şirkətlərin iştirakı ilə diqqətlə aparılmış tenderin nəticəsində “Do IT” şirkəti ilə müqavilə bağlamaq qərara alınmışdır. “Do IT”in seçilməsinə təsir edən əsas amillər uzunillik oxşar layihə təcrübəsi, eləcə də elektron sənəd dövriyyəsi sistemlərinin tətbiqi və elektron arxivlərin qurulması sahəsində yüksək ekspertiza və ixtisaslaşma olmuşdur.

Layihənin gedişi

Layihə şirkətin bütün əsas departamentlərini əhatə etmiş və bir neçə mərhələdən ibarət olmuşdur:

Məlumatların toplanması

Bu mərhələ çərçivəsində Do IT məsləhətçiləri gələcək sistem vasitəsilə avtomatlaşdırılacaq biznes-proseslərin əsas tərəfdaşları arasında sorğular və ilkin müsahibələr aparmaqla kompleks işlər həyata keçirmişdir.

Müsahibələrin aparılması və biznes-təhlil

Birinci mərhələ çərçivəsində toplanmış və ilkin təhlil edilmiş məlumatlar (o cümlədən şirkətin 100-dən çox proseduru) əsasında təşkilatın əsas departamentlərinin nümayəndələri ilə 40-dan çox müsahibə aparılmışdır. Xüsusi diqqət sənəd dövriyyəsinin idarəolunanlığına, şəffaflığına və ölçülə bilənliyinə, proseslərin avtomatlaşdırmaya hazırlanmasına, bütün bölmələrdən tələblərin toplanmasına və razılaşdırılmasına (sənəd şablonları və proses sxemləri daxil olmaqla), həmçinin tələblərin departamentlərarası qarşılıqlı yoxlanmasına yönəldilmişdir.

Texniki təhlil

Layihə həmçinin sənəd dövriyyəsi prosesinə bir şəkildə cəlb olunmuş mövcud informasiya sistemlərinin təhlili ilə bağlı ayrıca mərhələni də nəzərdə tuturdu. Sistemlərin funksional və qeyri-funksional xüsusiyyətləri, mövcud biznes tələblərinə uyğunluğu, inkişaf və texniki dəstək imkanları qiymətləndirilmişdir.

Yeni sənəd idarəetmə modelinin hazırlanması və razılaşdırılması

Son mərhələ təşkilatın gələcək kağızsız sənəd dövriyyəsi modelinin hazırlanması olmuşdur. Bu model aşağıdakıları əhatə etmişdir:

Gələcək müasir sənəd dövriyyəsi idarəetmə platforması vasitəsilə avtomatlaşdırılacaq bütün biznes-prosesləri ətraflı təsvir edən texniki tapşırıqlar
Platformaya funksional və qeyri-funksional tələblər, həmçinin arxitektura, informasiya təhlükəsizliyi və digər korporativ sistemlərlə inteqrasiyaya dair tələblər
Bu kontekstdə istifadə olunan mövcud informasiya sistemləri üzrə müvafiq tövsiyələri özündə əks etdirən hesabat

40+

müxtəlif departament nümayəndələri ilə keçirilmiş intervyu

120+

hazırlanmış biznes-proses sxemləri, təsvirlər və prosedurlar

200+

сформированных функциональных требований для будущей СЭД

«Bu əməkdaşlıq, şirkətlərimiz arasında mövcud olan müsbət işgüzar münasibətlər – "DO-İT" MMC-ni məsuliyyətli və etibarlı tərəfdaş kimi xarakterizə edir.»

Rəy üçün link