Qala Sığorta

SIĞORTA

Sifarişçi haqqında

1998-ci ildən “Qala Sığorta” ASC geniş çeşidli sığorta xidmətləri göstərir və Azərbaycanın sığorta sektorunun inkişafına töhfə verir.

İlkin şərtlər

Qala Sığorta rəhbərliyi sənəd dövriyyəsinin tam avtomatlaşdırılmasını və proseslərin optimallaşdırılmasını prioritet müəyyən etmişdir. Layihə çərçivəsində daxil olan və çıxan sənədlərin emalı, onların arxivləşdirilməsi və tapşırıqların icrasına nəzarət üçün hesabatların hazırlanmasını təmin edən sistem tətbiq olunmuşdur.

Həll

Qala Sığorta yerli və beynəlxalq şirkətlərin təkliflərini nəzərdən keçirərək onların dəyərini, tətbiqetmə keyfiyyətini, miqyaslana bilməsini, sürətini və təcrübəsini qiymətləndirmişdir. Nəticədə şirkət tərəfdaş kimi Do IT şirkətinin WSS Docs həllini seçmişdir.

WSS Docs-un tətbiqi nəticəsi

Layihəyə başlamazdan əvvəl Qala Sığorta-nın sığorta əməliyyatlarının ətraflı təhlili aparılmışdır. Nəticədə 14 əsas biznes prosesi avtomatlaşdırılmışdır. Biz yalnız proqram təminatı tədarükçüsü kimi deyil, həm də müştəri üçün məsləhətçi qismində çıxış etmişik.

WSS Docs sistemi ilə sənədlərin razılaşdırılması prosesi iki dəfə sürətlənmişdir. Rəhbərlik rahat hesabatlar vasitəsilə nəzarət və monitorinq imkanları əldə etmiş, əməkdaşlar isə sənədlərin hazırlanması, razılaşdırılması və icrası üzrə “vahid pəncərə” prinsipi əsasında optimallaşdırılmış proseslərdən faydalanmışdır.

Gündəlik iş sadələşmiş, proseslər daha şəffaf olmuş və vaxt itkiləri azalmışdır. Daxili sənəd dövriyyəsi sistemi daha nizamlı və səmərəli hala gəlmişdir.

Layihə başa çatsa da, təkmilləşdirmə işləri davam edir. Yaxın vaxtlarda yeni versiyaya yenilənmə, Insure.az ilə inteqrasiya və elektron imzanın tətbiqi planlaşdırılır.

Tamamlanmış layihələr